Nus promovain il studi istoric e la perscrutaziun da l'antica cun l'accent sin l'ierta da tut ils aspects da l'Imperi roman e sia influenza sin la vita odierna. Sur l'Institut Pistiolis a Roma (La Casa Greca di Pistiolis) porscha la fundaziun ad interim sponsuradi per il suandant:
- Perscrutaziuns ed exchavaziuns archeologicas en Grezia, en l'Italia ed en Svizra sco er en auters lieus d'interess relevant.
- seminaris da furmaziun.
- Cudeschs e publicaziuns archeologicas.
- Occurrenzas per promover l'istorgia d'art greco-romana.
Perscrutaziun e perscrutaziun istorica da l'antica cun accent sin l'Imperi roman
Pervi da la passiun da ses fundatur per l'Imperi roman metta la fundaziun in focus spezial sin la Think Big Revolution da l'Imperi roman en vista ad innovaziuns economicas, tecnologicas, militaras ed architectonicas. La finamira è da bittar glisch sin il pensar innovativ davos l'organisaziun, l'administraziun e la persistenza da Roma e da sias provinzas sco er sin innovaziuns da design architectonic, qualitad e sveltezza da construcziun, organisaziun e strategia militara sco er planisaziun da la citad e design da l'Imperi roman.
Dapi l'onn 2015 ha la fundaziun instradà atgnas iniziativas e sustegnì iniziativas d'auters cun la finamira da promover la chapientscha da las innovaziuns economicas, tecnologicas ed architectonicas romanas sco er la moda e maniera co che questas innovaziuns han chattà accoglientscha en praticas e modas da pensar contemporanas ed han furmà en blers reguards la basa da la moda da viver actuala. Tar las finamiras principalas da la fundaziun tutga da far resortir la cuntinuitad da tschertas innovaziuns romanas fin en il temp preschent sco er il diever odiern da tscherts concepts ch'èn vegnids stgaffids avant dapli che 2000 onns.
Il 2023 planisescha la fundaziun ina retscha d'iniziativas per cuntanscher sia finamira da promover la perscrutaziun istorica e la perscrutaziun da l'antica cun l'accent sin l'Imperi roman.
L'Institut Pistiolis a Roma
(La Casa Greca di Pistiolis)
La Casa Greca di Pistiolis vegn ad esser ina basa per scienziads grecs a Roma, in giavisch da ditg da la cuminanza academica, ma er da sustegnair scienziads internaziunals. Ella vegn a dar alloschi ad ina cuminanza da scienziads grecs ed internaziunals a Roma per sustegnair la perscrutaziun davart l'architectura e l'archeologia romana tras in program da stipendis, ina seria da referats annuala sco er lavuratoris tematics. La Casa Greca di Pistiolis vegn er a porscher meds per la perscrutaziun archeologica internaziunala.
La Casa Greca di Pistiolis vegn ad alloschar e sponsurisar stipendis davart l'economia e la tecnologia romana, l'architectura romana, la cuntrada e l'urbanissem sco er auters temas parentads per sustegnair perscrutaders giuvens e scienziads etablids a realisar lavurs da perscrutaziun per ina dimora da nov mais a Roma.
La retscha da referats annuala envida scienziads internaziunals, dals quals l'accent da perscrutaziun è mess sin las innovaziuns economicas ed architectonicas da l'Imperi roman, da tegnair ina retscha da quatter referats durant in segiurn d'in mais a Roma.
En ils lavuratoris tematics vegnan tractadas dumondas-clav davart l'organisaziun economica romana, davart il management, davart la creschientscha e la durabilitad sco er davart l'architectura romana e davart l'urbanissem, inclusiv l'infrastructura economica, il progress tecnologic e la connectivitad culturala.
L'institut Pistiolis dat ultra da quai suttetg e sponsurisescha:
Stipendis
Stipendis davart temas sco i) economia e tecnologia romana, ii) architectura romana, cuntrada ed urbanissem ed auters che sustegnan scienziads giuvens ed etablids, principalmain burgais grecs e svizzers, a far lavurs da perscrutaziun per ina dimora da maximalmain nov mais a Roma.
Retscha annuala da referats
L'organisaziun d'ina seria da referats annuala, tar la quala scienziads etablids, dals quals la perscrutaziun ha l'accent sin las innovaziuns economicas ed architectonicas da l'Imperi roman, tegnan durant in segiurn d'in mais a Roma ina seria da quatter referats.
Lavuratoris tematics
L'organisaziun da lavuratoris tematics che s'occupan da dumondas-clav davart l'organisaziun economica romana, davart il management e davart la persistenza sco er davart l'architectura romana e davart la construcziun urbana, inclusiv infrastructura economica, progress tecnologics e connectivitad culturala.
Lingua rumantscha
Referats e furmaziun davart la lingua rumantscha. Il rumantsch è ina lingua galloromana che vegn discurrida predominantamain en il chantun Grischun svizzer. Ella è renconuschida dapi il 1938 sco lingua naziunala da la Svizra e dapi il 1996 sper il tudestg, il franzos ed il talian sco lingua uffiziala en la correspundenza cun burgais da lingua rumantscha.
Guardai las novitads sin la pagina-web per survegnir infurmaziuns davart serias da referats annualas, lavuratoris tematics e referats davart la lingua rumantscha.
